Yaxın Şərq ölkələrində insanların əsas qida məhsullarından biri də xurmadır. Qədim zamanlardan bəri insanlar ondan həm qida, həm də təbii dərman kimi istifadə ediblər. Tərkibində olan qida maddələrinə görə xurmanın sağlamlığa faydaları çoxdur.

Aztibb.az xəbər verir ki, bu barədə məlumat “MedikForum” saytında yer alıb.

Xurma beyinin sağlamlığını artırır. Onun tərkibindəki antioksidantlar beyini zərərli sərbəst radikalların yaratdığı iltihab və oksidləşdirici stresdən də qoruya bilər. Bu birləşmələrin olması yaşla əlaqəli zehni geriləmədən qorunmağa kömək edə bilər.

Bu meyvənin tərkibində həzmə kömək edən həm həll olunan, həm də həll olunmayan amin turşuları və lif mövcuddur. Xurma mədə-bağırsaq xəstəlikləri nəticəsində xroniki ishal səbəbindən kalium itkisini də doldurmağa kömək edir.

Həmçinin xurma sümük sağlamlığı üçün maqnezium, kalsium və bor ilə zəngindir. O, sümükləri gücləndirməyə, osteoporoz və sümük xərçəngi kimi xəstəliklər riskini azaltmağa kömək edir. Xurmanın tərkibində sümük inkişafı üçün vacib olan selen, manqan və mis də var.