Saatlı rayonunda narkotik vasitələrə qarşı mübarizə tədbirləri çərçivəsində "Narkomaniyaya yox deyək!" adlı maarifləndirici tədbir keçirilib.

 

Aztibb.az-ın məlumatına görə, tədbir Saatlı Rayon İcra Hakimiyyəti, "Saatlı Gənclər evi" sosial xidmət müəssisəsi, Saatlı rayon Gənclər və İdman idarəsi, "Saatlı Rayon Mərkəzi Xəstəxanası" Publik Hüquqi Şəxs, Saatlı RPŞ və Azərbaycan Qızıl Aypara Cəmiyyəti Saatlı rayon bölməsinin birgə təşkilatçılığı ilə baş tutub.

 

Tədbirdə "Saatlı Rayon Mərkəzi Xəstəxanası" PHŞ-nin Poliklinika şöbəsinin müdiri Adil Mürsəlov çıxış edib. O, narkotiklərin insan orqanizminə məhvedici təsiri, doğurduğu faciələr, narkomaniya ilə mübarizənin uzunmüddətli və çoxşaxəli bir proses olduğu, bəzi gənclərin narkotik asılılığı girdabına yuvarlandığı barədə danışıb.