Gəncə Şəhər Birləşmiş Xəstəxanası Abbas Səhhət adına Xəstəxananın Laboratoriya şöbəsinin açılışı olub.

Aztibb.az-ın məlumatına görə, 7/24 saat rejimində müxtəlif sahələrdə xidmət göstərəcək laboratoriya bütün müasir zəruri resurslara malikdir. Burada laborator analizlər peşəkar həkim laborantlar tərəfindən aparılacaq.

Qeyd edək ki, laboratoriyada istifadə olunan bütün avadanlıqlar beynəlxalq standartlara uyğundur.

Şöbənin müdiri Elza Paşayevanın sözlərinə görə, burada aparılacaq analizlər yalnız həkim göndərişləri əsasında həyata keçiriləcək.