Saatlı rayonunda 17 iyun - Tibb İşçilərinin Peşə Bayramı Günü münasibətilə tədbir keçirilib.

 

Əvvəlcə iştirakçılar Saatlı şəhərinin Heydər Əliyev Meydanında ucaldılan Ulu Öndərin abidəsini ziyarət edib, önünə gül dəstələri qoyublar.

 

Tədbirdə çıxış edən Saatlı rayon İcra Hakimiyyətinin başçısı Elmir Bağırov rayonun tibb işçilərini peşə bayramları münasibətilə təbrik edib, bu çətin və şərəfli işdə onlara uğurlar arzulayıb.

 

O, son illərdə ölkəmizdə səhiyyənin inkişaf səviyyəsinin dünya standartlarına cavab verdiyini, hazırda respublikamızda ən mürəkkəb və unikal tibbi əməliyyatların belə yüksək peşəkarlıqla həyata keçirildiyini, səhiyyənin bütün sahələri üzrə ixtisaslı kadrların yetişdirildiyini vurğulayıb, bütün bu uğurların Prezident İlham Əliyevin uzaqgörən siyasətinin və gərgin fəaliyyətinin nəticəsi olduğunu qeyd edib.

 

Daha sonra bir qrup tibb işçisinə səmərəli fəaliyyətinə görə rayon icra hakimiyyətinin Fəxri fərmanları və qiymətli hədiyyələr təqdim olunub.