Mingəçevir Şəhər Mərkəzi Xəstəxanasında icbari tibbi sığorta çərçivəsində Artroplastika (endoprotezləşmə) əməliyyatı icra olunub.

Bu barədə Aztibb.az -a Xəstəxanadan məlumat verilib.

Bildirilib ki, uzun illərdir diz oynağında yaranmış problemlərdən əziyyət çəkən şəhər sakini Namiq Löymanov kifayət qədər maddiyyat tələb edən endoprotezləşmə əməliyyatı üçün Mingəçevir Şəhər Mərkəzi Xəstəxanasına müraciət edib. Xəstəxanada icbari tibbi sığorta çərçivəsində pasiyentin diz qapağına implant qoyulub.

Hazırda Namiq Löymanov özünü yaxşı hiss edir.

O, sadə vətəndaşlar, xüsusilə də aztəminatlı ailələr üçün tibbi xidmətləri əlçatan etdiyinə görə ilk növbədə ölkə başçısına, İTS-nın və TƏBİB-in rəhbərliyinə, həmçinin Mingəçevir ŞMX-nın kollektivinə təşəkkürünü bildirib.