Lənkəranın Qala xiyabanı küçəsində azyaşlı 4-cü mərtəbədən yıxılıb.

Aztibb.az-ın məlumatına görə, 2 yaşlı Əlixan Şəhriyar oğlu Bağırov nəzarətdən kənar qaldığından 4-cü mərtəbənin pəncərəsindən yıxılıb.

Ağır xəsarətlər alan azyaşlı Lənkəran Rayon Mərkəzi Xəstəxanasına çatdırılıb. Həkimlər onun vəziyyətini kritik-ağır kimi qiymətləndirirlər.

Uşağın Bakıdakı xəstəxanalarından birinə köçürülməsi gözlənilir.

Faktla bağlı araşdırma aparılır.