17 sentyabr bütün dünyada Ümumdünya Pasiyent Təhlükəsizliyi Günü kimi qeyd olunur.
Hər il tibbi yardım göstərilməsi zamanı təhlükəsizlik qaydalarına əməl olunmadığına görə, dünyada milyonlarla pasiyent zərər görür. Aşağı-orta gəlir səviyyəsi olan ölkələrdə isə 2,6 milyon insan həlak olur. Dünya miqyasında pasiyentlərə vurulan zərərin sosial və iqtisadi fəsadları bir neçə trilyon dollarla ölçülür.
2019-cu il sentyabrın 17-də Ümumdünya Səhiyyə Təşkilatı dünya ictimaiyyətinin diqqətini bu ciddi problemə cəlb etmək üçün tarixdə ilk dəfə olaraq Dünya Pasiyentlərin Təhlükəsizliyi Günündə həmin sahədə qlobal həmrəylik kampaniyasına başlamışdı.
Bu il isə Pasiyentlərin Təhlükəsizliyi Günündə dünya ictimaiyyətinin diqqətini daha bir ciddi problemə cəlb etmək üçün qlobal kampaniya “Səhiyyə işçilərinin təhlükəsizliyi pasiyentlərin təhlükəsizliyinin təmin edilməsində prioritetdir” adı altında keçiriləcək. Əsas məqsəd COVID-19 pandemiyasına qarşı mübarizədə bu məsələnin aktuallığını bir daha önə çəkməkdir.
Qeyd edək ki, Dünya Pasiyentlərin Təhlükəsizliyi Günü 2019-cu ilin mayında Dünya Səhiyyə Assambleyasının 72-ci sessiyasında təsis olunub.
_191.jpg "İnfarktdan sonra ürəyi zədələnmələrdən qorumağın yolu tapılıb")
