“Həkimlərimizi tanıyaq!” rubrikamızda sizlərə pasiyentləri arasında böyük rəğbət qazanmış Mingəçevir Şəhər Mərkəzi Xəstəxananın Ailə Sağlamlıq Mərkəzinin həkim-terapevti Təranə Məsimova haqqında məlumatları təqdim edirik. 

 

Təranə Mikayıl qızı Məsimova 22 aprel 1977-ci ildə Mingəçevir şəhərində anadan olub. 1994-2000-ci illərdə N.Nərimanov adına Azərbaycan Tibb Universitetində Müalicə-profilaktika fakültəsində təhsil alıb. 2000-2001-ci illərdə Mingəçevir ŞMX-da internatura keçib.

 

O, 2001-2010-cu illərdə Mingəçevir ŞMX-nın Təcili və Təxirəsalınmaz Tibbi Yardım Stansiyasında çağırışçı-həkim vəzifəsində çalışıb. 2010-cu ildə Mingəçevir ŞMX-nın 1 saylı Poliklinikasında sahə həkimi işləyib. 2017-ci ildən Mingəçevir ŞMX-nın Ailə Sağlamlıq Mərkəzində həkim-terapevt kimi fəaliyyət göstərir.