“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Mingəçevir Şəhər Mərkəzi Xəstəxanasının Radiologiya şöbəsinin ultrasəs həkimi Xanbala Bayramov haqqında məlumatları təqdim edirik.

Xanbala Hacıbala oğlu Bayramov 1962-ci ildə Yevlax rayonunda anadan olub. 1979-1986- cı illərdə Azərbaycan Tibb İnstitutunun Müalicə-proflaktika fakültəsində təhsil alıb.

O, 1987-ci ildən Mingəçevir ŞMX-nın Fizioterapiya şöbəsində fizioterapevt-həkim kimi əmək fəaliyyətinə başlayıb. 1990-1995-ci illərdə İdman Dispanserində baş həkim vəzifəsində çalışıb. 1995-ci ildə Mingəçevir ŞMX-nın Urologiya şöbəsində uroloq-həkim işləyib. Xanbala Bayramov 2000-ci ildən ultrasəs müayinə həkimi kimi fəaliyyətini davam etdirir.