Aztibb.az-ın "Həkimlərimizi tanıyaq!" rubrikasında bu dəfə saytımızın oxucularına Mingəçevir şəhər Uşaq Nevroloji Sanatoriyasının baş həkimi Sevinc Abbasova haqqında məlumatları təqdim edirik.

Sevinc Zülfüqar qızı Abbasova 11 fevral 1968-cı ildə Gürcüstan Respublikasında anadan olub. 1985-1991-ci illərdə Azərbaycan Tibb Universitetinin Pediatriya fakültəsində təhsil alıb. 1991-ci ildə Mingəçevir Şəhər “Ana və Uşaq” MSM-da internatura keçib. 1992-ci ildə həmin mərkəzin Poliklinika şöbəsində həkim pediatr kimi əmək fəaliyyətinə başlayıb.

O, 2003-cü ildən Mingəçevir ŞMX-nın 2 saylı Uşaq Poliklinikasında şöbə müdiri vəzifəsində çalışır. Mingəçevir şəhərində icbari tibbi sığorta tətbiq edilməyə başlayan zamandan, yəni, 2017-ci ildə Nevroloji Uşaq Sanatoriyasının müdiri vəzifəsinə təyin edilib. Sanatoriyaya rəhbərlik etdiyi ötən 5 il ərzində Sevinc həkim həm kollektivin, həm də sanatoriyanın balaca sakinlərinin rəğbətini qazanıb.