"Həkimlərimizi tanıyaq!" rubrikamızda saytımızın oxucularına peşəkar səhiyyə işçilərini tanıtmaqda davam edirik. 

Növbəti buraxılışda Mingəçevir Şəhər Mərkəzi Xəstəxananın Terapiya şöbəsinin həkimi, terapevt Pərvanə Yusifova haqqında məlumatları diqqətinizə çatdırırıq. 

Pərvanə Şahin qızı Yusifova 19 may 1988-ci ildə Mingəçevir şəhərində həkim ailəsində anadan olub. 2005-2011-ci illərdə Azərbaycan Tibb Universitetinin Müalicə profilaktika fakültəsində təhsil alıb. 2011-2015-ci illərdə Azərbaycan Tibb Universitetinin Tədris Terapevtik Klinikasında rezindentura keçib.

O, 2016-cı ildə Mingəçevir Şəhər Mərkəzi Xəstəxanasının Poliklinika şöbəsində həkim-terapevt kimi əmək fəaliyyətinə başlayıb. 2017-ci ildən Mingəçevir ŞMX-nın Terapiya şöbəsində terapevt vəzifəsində çalışır.

Pərvanə Yusifova 2014-cü ildə Türkiyə Respublikası Ankara şəhər Hacettepe Universitetinin Genel dahiliyində, 2015-ci ildə isə Samsun şəhər Ondokuz Mayıs Universitetinin Endokrinoloji bölməsində Rotasiya kursu keçib.

Ona müraciət edən pasiyentləri daim diqqətlə dinləyərək müalicə kursu təyin edən həkimin xəstələri hər zaman ondan razılıqlarını ifadə ediblər.