100-dən çox elm adamı, o cümlədən 15 Nobel mükafatı laureatı kliniki peyvəndin inkişafını sürətləndirmək üçün könüllüləri qəsdən SARS-Cov-2-yə yoluxmağa çağırıb.

Aztibb.az CNN-ə istinadən xəbər verir ki, məktub ABŞ Milli Sağlamlıq İnstitutunun (NIH) direktoru Frensis Kollinsə ünvanlanıb.

Alimlər bunun vaksinlərin inkişafını əhəmiyyətli dərəcədə sürətləndirməyə kömək edəcəyini bildirib.

Məktubda qeyd edilib:

“Bu gün dünyanın müxtəlif ölkələrində insidensiyanın azalması müşahidə olunur və sınaqların keçirilməsi üçün yoluxmanın artmasını gözləmək düzgün deyil. Bu, bir çox epidemioloqun proqnozlaşdırdığı pandemiyanın "ikinci dalğa"sı ərəfəsində xüsusilə vacibdir. Ona görə də, hazırkı şəraitdə könüllülərin qəsdən yoluxması kliniki sınaqların etikasını pozmur.

Kütləvi istifadə üçün yaradılacaq peyvəndin sürətli inkişafının faydası, bu tədqiqat metodu ilə əlaqəli risklərdən üstündür.

Könüllülərin qəsdən yoluxması metodundan digər təhlükəli infeksiyalara - malyariya, tifo və qripə qarşı peyvəndlərin hazırlanmasında istifadə edilib.

Qeyd edək ki, məktub tədqiqatda iştirak edən 2000 könüllü tərəfindən imzalanıb.