ACIBADEM Sağlıq Qrupunun Gəncədə rəsmi nümayəndəliyinin açılışı olub.

Aztibb.az-ın məlumatına görə, ACIBADEM Sağlıq Qrupunun Beynəlxalq Biznesin İnkişafı şöbəsinin direktoru İlyas Benveniste qeyd edib ki, Xəstəxanalarımız tibbin hər sahəsində xidmət edməkdədir. Xüsusən də onkoloji, orqan nəqli, beyin cərrahiyəsi, ürək-damar cərrahiyyəsi, pediatrik sahələrdə xidmət göstərir. Tibbin bütün texnoloji cihazları, xüsusən də onkoloji xəstəliklərin diaqnozu və müalicəsində son texnologiyaları təqdim edirik.

31 ildir fəaliyyət göstərən ACIBADEM Sağlıq Qrupu-nun hazırda 46 əlaqələndirmə ofisi və 5 ölkədə 22 xəstəxanası , 18 tibb mərkəzi fəaliyyət göstərir. 1991-ci ildə açılan xəstəxana adını İstanbulda yerləşən Acıbadem məhəlləsindən götürüb. Xəstəxanaların sadəcə 16-sı Türkiyədə fəaliyyət göstərir, xərçəng və digər xəstəliklərin müalicəsi aparılır. Peşəkar kadrların yetişdirilməsi üçün ACIBADEM Universiteti də fəaliyyət göstərir. Onu da qeyd edək ki, xidmətlərimiz arasında 20 dildə tərcümə də mövcuddur ki, bu da il ərzində xəstəxanaya müraciət edən 50 minə yaxın əcnəbi pasiyentə yüksək səviyyədə xidməti təmin edir.