"İkinci Qarabağ müharibəsi qazisi Bəxtiyar Murğuzov Qazax rayon Mərkəzi Xəstəxanasına ağır vəziyyətdə daxil olmuşdur. Müharibə zamanı mərmidən aldığı zərbə nəticəsində qarın boşluğunda çoxsaylı və əhatəli nazik bağırsğı deşilmişdir. Qazi iki dəfə əməliyyat olunmasına baxmayaraq əməliyyatdan sonra fəsadlaşmalar olmuşdur".

Bu barədə Aztibb.az-a Qazax rayon Mərkəzi Xəstəxanasından məlumat verilib.

Bildirlib ki, evdə vəziyyəti ağırlaşan Bəxtiyar Murğuzov xəstəxanaya gətirilib və həkim-cərrah Sarif Orucov tərəfindən dərhal əməliyyata alınıb. Əməliyyat zamanı onda bağırsağın qanqrenası (60 sm-ə qədər) aşkar edilib. Qanqrenoz ilgəklər kəsilib götrülüb, yenidən nazik bağırsaq ucluqlarına anastamoz qoyulub. Qarının ön divarının qreftlə bərpası icra olunub.

Qeyd olunub ki, əməliyyatdan sonra qazimizin vəziyyəti normaldır. O, hazırda müalicəsini evdə davam etdirir. Bəxtiyar Murğuzov sağlamlığına yenidən qovuşduğu üçün İcbari Tibbi Sığortaya təşəkkürünü bildirir.