Milli Məclisin Səhiyyə Komitəsinin sədr müavini, Əməkdar həkim, t.e.d. Rəşad Mahmudov Şuşa Modul Tipli Xəstəxanada olub.
Bu barədə həkim sosial şəbəkədə məlumat paylaşıb.
Rəşad Mahmudov Şuşa Modul Tipli Xəstəxanada xoş təəssuratlar yaşadığını qeyd edib. Bildirib ki, hər cür tibbi avadanlıq və sərf materialla təciz olunmuş xəstəxanada tibb personalının tərkibinə travmatoloq, ümumi cərrah, kardioloq, revmatoloq, anestezioloq-reanimatoloq, funksional diaqnostika həkimi, orta və kiçik tibb işçiləri, eləcə də qeyri-tibb işçiləri daxildir.
Onun sözlərinə görə, vətəndaşlar burada İcbari Tibbi Sığortanın Xidmətlər Zərfi çərçivəsində olan tibb xidmətlərdən yararlana bilirlər.
"İstər COVID-19-la mübarizədə, istərsə müharibə dövrü, eləcə də hazırda canla başla, gecə-gündüz demədən əhaliyə tibbi xidmət göstərən hər bir kəsə dərin minnətdarlığımızı bildiririk", - deyə Rəşad Mahmudov əlavə edib.
