“Həkimlərimizi tanıyaq!” rubrikamızda sizlərə pasiyentləri arasında böyük rəğbət qazanmış Gəncə şəhərinin baş endokrinoloqu, Akademik Zülfüqar Məmmədov adına xəstəxananın Endokrinoloji şöbəsinin müdiri, Əməkdar həkim Sevda Əsgərova haqqında məlumatları təqdim edirik. 

 

Sevda Cəmil qızı Əsgərova 1965-cı il martın 8-də Gəncə şəhərində anadan olub. O, Azərbaycan Tibb Universitetinin məzunudur.

 

Həkim-endokrinoloq 1990-cı ildən Endokrinoloji xəstəxanada çalışır. Hazırda həmin tibb müəssisəsinin rəhbəridir.

 

Sevda Əsgərova endokrinologiya, şüa diaqnostika üzrə müxtəlif konfrans və seminarlarda iştirak edib. O, 2017-ci ildə “Əməkdar həkim” fəxri adına layiq görülüb.