Uşaqların icbari dispanser müayinəsinin təşkili və vaxtında keçirilməsi, onlar arasında müalicə sağlamlıq işlərinin həyata keçirilməsi məqsədilə Mingəçevir Şəhər Mərkəzi Xəstəxanasında həkim-mütəxəssislərdən ibarət komissiya yaradılıb.

Aztibb.az-ın məlumatına görə, kardioloq, allerqoloq, cərrah, nevropotoloq, pediatr, oftolmoloq və digər ixtisaslı həkimlərdən ibarət komissiya heyəti tərəfindən Mingəçevirdə fəaliyyət göstərən orta təhsil ocaqlarında məktəblilər müayinə edilmiş, gənclərdə üzə çıxan xəstəliklərin müalicəsinin keyfiyyətli təşkili üçün lazımi tədbirlər görülmüşdür. Eyni zamanda, məktəblilərə vərəm infeksiyasının erkən aşkar edilməsi məqsədilə mantı sınağı qoyulmuşdur.