Aztibb.az "Həkimlərimizi tanıyaq!" rubrikasında bu dəfə Mingəçevir Şəhər Mərkəzi Xəstəxanasının Uşaq şöbəsinin həkimi, peşəkar pediatr Pərvin Paşayeva haqqında məlumatları təqdim edir.

Pərvin Üzeyir qızı Paşayeva 1980-ci ildə Mingəçevir şəhərində anadan olub. 1997-2003-cü illərdə Azərbaycan Dövlət Tibb Univeristetinin Pediatriya fakültəsində təhsil alıb.

O, 2004-cü ildə Mingəçevir “Ana və Uşaq” MSM-nin Poliklinika şöbəsində həkim-pediatr kimi əmək fəaliyyətinə başlayıb. 2006-2010-cu illərdə Yəmən Respublikası Sana şəhəri Al-Mutavakel hospitalında pediatr vəzifəsində çalışıb. 2011-ci ildə yenidən Mingəçevirə qayıdaraq “Ana və Uşaq” MSM-də fəaliyyətini davam etdirib. 2017-ci ildən Mingəçevir Şəhər Mərkəzi Xəstəxanasının Uşaq şöbəsində işləyir.

Pərvin Paşayeva mütamadi olaraq keçirilən elmi konfranslarda, seminarlarda, kurslarda iştirak edir.

Onu da qeyd edək ki, Pərvin Paşayeva Yəmən Respublikasında çalışarkən pediatrik ultrasəs müayinəsi üzrə təkmilləşib. Daim ixtisası üzrə yeni biliklərə yiyələnməyi, öyrənməyi üstün tutan Pərvin həkim uşaqlarda müxtəlif pediatrik xəstəliklərin profilaktikası, uşaqlar arasında çox yayılmış pnevmaniyalar, yuxarı tənəffüs yollarının kəskin infeksiyaları, anemiyalar, inkişaf ləngimələri, allergik xəstəliklərin müalicəsi ilə məşğul olur.