"Həkimlərimizi tanıyaq!" rubrikamızda sizlərə pasiyentləri arasında böyük rəğbət qazanmış Mingəçevir Şəhər Mərkəzi Xəstəxanasının Poliklinika şöbəsinin mama-ginekoloqu Esmira Hüseynova haqqında məlumatları təqdim edirik.

Aztibb.az xəbər verir ki, Esmira Vaqif qızı Hüseynova 05 aprel 1981-ci ildə Mingəçevir şəhərində anadan olub. 1998-2004-cü illərdə Sankt Peterburq şəhəri Akademik İ.P.Pavlov adına Birinci Sankt-Peterburq Dövlət Tibb Universitetində Müalicə-proflaktika fakültəsində təhsil alıb. 2004-2005-ci illərdə Sankt-Peterburq şəhəri Tibb Akademiyasında internatura keçib.

O, 2006-cı ildə Bakı şəhərində "MediClub" Klinikasında həkim-ginekoloq kimi əmək fəaliyyətinə başlayıb. 2007-ci ildən Mingəçevir şəhər Mərkəzi Xəstəxanasında mama-ginekoloq vəzifəsində çalışır.

Esmira Hüseynova mütəmadi olaraq ixtisası üzrə kurslarda iştirak edərək təcrübəsini artırır.