Aztibb.az xəbər verir ki, bu barədə həkim-pediatr Aytən İsmayılzadə "Facebook" sosial şəbəkəsində məlumat paylaşıb. O, bildirib ki, düzgün qidalanma varsa, heç nəyə süni şəkildə gərək yoxdur. Uşaqlara verilən bütün preparatların içində müxtəlif qatqı maddələri (rəng, dad, aromatizator) olduğunu unutmamalıyıq. İl ərzində bir ay müddətində uşağa balıq yağı vermək effektiv deyil:
"Balıq yağının immuniteti gücləndirməsi, yaddaşı möhkəmləndirməsi və zehni bacarığı artırması barədə fikirlər yalnışdır. Bu yağlar tərkibində ağır metallar daşıya bilir. Çünki yaxşı balıq yağı, bədənində ağır metallar olan balıqlardan alınır. Bu zaman yağ ağır metallardan tam arındırılmaya bilir".
Pediatr bildirib ki, balıq yağının qəbulu hamiləlik zamanı və 3 yaşadək uşaqlara tövsiyə edilmir. Çünki ağır metallar uşağın beyin inkişafına mənfi təsir edə bilər.
"Balıq yağı daha çox ürək damar xəstəlikləri, piylənmə, metabolik sindrom profilaktikası, bədəndə omeqa tağ turşularının doğru balansının qorunması uçun orta və yaşlı insanların qəbulu üçündür. Həm də bu, ildə 1 ay deyil, aylarla, davamlı şəkildə qəbul edilməlidir", - deyə həkim əlavə edib.
_191.jpg "İnfarktdan sonra ürəyi zədələnmələrdən qorumağın yolu tapılıb")
