Beyin sümüyündə yuxunun dərinliyini müəyyənləşdirən kiçik bir sahə (locus coeruleus) var.

Aztibb.az "Xinhua" informasiya agentliyinə istinadən xəbər verir ki, həmin sahə norepinefrin ifraz edir.

Təl-Əviv Universitetinin alimləri yuxu zamanı beyinin çox aktiv qalmasına baxmayaraq, nəyə görə insanların nadir hallarda xarici stimullara reaksiya verdiyini araşdırıb.

Məlum olub ki, stresə cavab olaraq ayrılan noradrenalin insanın sağlam yatmaq qabiliyyətinin əsasını təşkil edir. Sağlamlıq üçün vacib olan dərin yuxu zamanı insanlar xüsusən zəngli saatın çalması və ya uşağın qışqırması kimi güclü səs olmadıqda xarici stimullara nadir hallarda reaksiya verir. "Locus coeruleus"da aktivlik nə qədər yüksək olarsa, oyanma ehtimalı daha yüksək olur.

Normalda, yuxu zamanı noradrenalinin aktivliyi orta və ya minimum olmalıdır. Ancaq yüksək olduqda, hətta ən zəif səslərdən də oyanma halı tez-tez baş verəcək.