Aztibb.az-ın "Həkimlərimizi tanıyaq!" rubrikasında bu dəfə saytımızın oxucularına Mingəçevir Şəhər Mərkəzi Xəstəxanasının Hemodializ şöbəsinin müdiri Təranə Mustafayeva haqqında məlumatları təqdim edirik.
Təranə Cəfər qızı Mustafayeva 31 yanvar 1963-cü ildə Yevlax rayonunda anadan olub. 1981-1987-ci illərdə Azərbaycan Dövlət Tibb İnstitutunun Müalicə profilaktika fakültəsində təhsil alıb. 1987-1988-ci illərdə Mingəçevir Şəhər Mərkəzi Xəstəxanasında internatura keçib.
O, əmək fəaliyyətinə 1988-ci ildə Mingəçevir Şəhər Qəbul şöbəsində həkim terapevt olaraq başlayıb, 1993-cü ilədək burada işləyib. 1993-2015-ci illərdə Mingəçevir ŞMX-nin Nefrologiya şöbəsində həkim-nefroloq kimi fəaliyyət göstərib.
T.Mustafayeva 2015-2021-ci illərdə Mingəçevir ŞMX-nın Hemodializ şöbəsində həkim-nefroloq işləyib, 2021-ci ildən isə həmin şöbənin müdiri vəzifəsində çalışır.
