Gəncə şəhər Birləşmiş Xəstəxanasının təşkilatçılığı ilə görkəmli oftalmoloq həkim, akademik Zərifə Əliyevanın anadan olmasının 99-cu ildönümü ilə əlaqədar konfrans təşkil olunub.

Tədbiri giriş sözü ilə açan Gəncə şəhər Birləşmiş Xəstəxanasının direktoru Nazim Əhmədov bildirib ki, Zərifə xanım Əliyeva tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanıb.

Daha sonra Akademik Z. Məmmədov adına xəstəxananın Oftalmoloji şöbəsinin müdiri Azər Məmmədov “Akademik Zərifə Əliyeva milli oftalmologiyanın banisidir” mövzusunda məruzə ilə çıxış edib.

Konfransda Oftalmoloji şöbənin digər əməkdaşları da görkəmli akademikin oftalmologiya elminin inkişafındakı rolundan bəhs ediblər.

Tədbirdə Zərifə хanımın mahir еlmi tədqiqatçı, Ulu Öndər Hеydər Əliyеvin ömür gün yоldaşı, sadiq dоst, əsl insanlıq nümunəsi olması xüsusi vurğulanıb.

Sonda akademik Zərifə Əliyevanın həyat və fəaliyyətindən bəhs edən videoçarx nümayiş olunub.