"Mingəçevir Şəhər Mərkəzi Xəstəxanası" Publik Hüquqi Şəxsin Doğum şöbəsinin Yenidoğulmuşların intensiv terapiya bölməsinin müdiri Aidə Məmmədova ənənəvi olaraq yeni ana olmuş qadınları ana südünün faydaları haqqında məlumatlandırıb.

 

Bu barədə Aztibb.az-a xəstəxanadan məlumat verilib.

 

Bildirilib ki, həkim-pediatr Aidə Məmmədova ana südünün körpəni həyatının ilk altı ayında ehtiyac duyduğu bütün zəruri vitamin və qida ilə təmin etdiyini söyləyib. Qeyd edib ki, ilk aylarda ana südü ilə qidalanma körpə üçün vacibdir, çünki ana südü körpəninin zərərli viruslara və bakteriyalara qarşı mübarizə aparmasına kömək edir.

 

Onun szölərinə görə, asanlıqla həzm olunduğundan ana südü qəbizlik, ishal və ya mədə narahatlığına səbəb olmur. Bu isə, uşaqlara şəkərli diabet, yüksək xolesterol və iltihablı bağırsaq kimi bir çox xəstəliklərə qarşı immunitet yaratmağa kömək edir.

 

Eyni zamanda, təcrübəli pediatr gənc analara uşağı döşə düzgün qoyma qaydaları barəsində də faydalı məsləhətlərini verib.