Rubrikada bu dəfə Gəncə şəhər Birləşmiş Xəstəxanasının direktor müavini, Kardioloji xəstəxananın rəhbəri, həkim-kardioloq Fəxrəddin Namazov haqqında məlumatları təqdim edirik.

 

Fəxrəddin Namaz oğlu Namazov 2 noyabr 1952-ci il tarixində Samuxda anadan olub. Ali təhsilini 1971-1977-ci illərdə Azərbaycan Tibb Universitetinin Müalicə işi fakültəsində alıb. Universiteti bitirdikdən sonra fəaliyyətini Bakı şəhəri Təcili Tibbi Yardım Stansiyasında (1978-1984) davam etdirib.

 

O, 1984-1986-cı illərdə Ümumittifaq Kardiologiya Elmi Tədqiqat İnstitutunda, 1986-1987-ci illərdə A.Səhhət adına şəhər xəstəxanasında, 1987-1988-ci illərdə 2 saylı şəhər poliklinikasında, 1988-ci ildə Tibbi Bədən dispanserində, 1988-1989-cu illərdə yenidən A.Səhhət adına xəstəxanada, 1989-1992-ci illərdə isə Gəncə şəhər Rayonlararası Kardiologiya İnstitutunda həkim-kardioloq vəzifəsində çalışıb. 1992-1993-cü illərdə Gəncə şəhər Səhiyyə İdarəsinin rəisi kimi fəaliyyət göstərib.

 

Fəxrəddin Namazov artıq uzun illərdir ki, Kardioloji xəstəxananın rəhbəridir. Həmçinin Gəncə şəhər Birləşmiş Xəstəxanasının direktor müavinidir.

 

Bir sıra yerli və beynəlxalq kardioloji təlim və konqreslərdə iştirak edən həkim Azərbaycan Kardiologiya Cəmiyyətinin üzvüdür.