Ukraynanın “Batkivşina” partiyasının lideri, Ali Radanın deputatı Yuliya Timoşenkonun koronavirusdan son testi neqativ nəticələnib.

Aztibb.az "Ukrinform" agentliyinə istinadla xəbər verir ki, bu barədə siyasətçinin mətbuat katibi Marina Soroka özünün “Facebook” səhifəsində yazıb. Onun sözlərinə görə, Yuliya Timoşenko özünü xeyli yaxşı hiss edir, lakin xəstəliyin nəticələri hələ də özünü göstərir.

“Ağ ciyərlərin iltihabı hələ davam edir, lakin müalicə uğurla aparılır. Yuliya Timoşenko yaxın zamanlarda normal həyatına qayıdacaq”, - deyə Marina Soroka bildirib.

Qeyd edək ki, avqust ayının 23-də Yuliya Timoşenkonun koronavirusa yoluxduğu məlum olmuş və o, ağır vəziyyətdə xəstəxanaya yerləşdirilmişdi. Həmin vaxt yerli KİV-lər siyasətçinin süni nəfəs aparatına qoşulduğu barədə məlumat yaymışdı.