Kosmetik vasitələrin dozasının düzgünlüyündən və düzgün yerinə yetirilməsindən asılı olaraq müxtəlif effektlərə malik ola bilər.

Aztibb.az xəbər verir ki, bunu həkim-kosmetoloq Leyli Məmmədova kremlərin düzgün istifadə texnikası və dozasından danışarkən deyib.

O, bildirib ki, üz və boğaz nahiyəsi üçün NƏMLƏNDİRİCİ krem 2 fıstıq həcmində olmalıdır:

İstifadəsi: nəmləndirici vasitəni istifadə etdikdən öncə üzünüzü təmizləyin. Bundan sonra yüngül masaj hərəkətləri ilə azca nəm dəriyə bir fıstıq həcmində kremi yeridin. İkinci hissəni boğaz və dekolte zonasına istifadə edin. Yadda saxlayın: gündüz kremi bayıra çıxmazdan yarım saat əvvəl vurulmalıdır, gecə kremi isə 1,5 saat əvvəl.

⠀

GÜNƏŞ ŞUALARINA qarşı krem 1 üzüm giləsi həcmində olmalıdır:

İstifadəsi: əl, üz və boğaz nahiyələrinə çəkin. Krem günəşin aktivliyindən, tərləmə dərəcəsindən asılı olaraq 2 saatdan sonra təkrar istifadə oluna bilər.

GÖZƏTRAFI krem 1 noxud həcmində olmalıdır:

İstifadəsi: kremin ¼-ni götürün və gözün alt qapağına gözün kənarından içəriyə doğru çəkin. Gözün üst qapağına isə ¼ hissəni əks tərəfə, içəridən gözün kənarına doğru çəkin. Vacib məqam: dəriyə onu dartmadan öncə yüngülcə toxunun. Gözətrafı kremlər yatmazdan 1,5-2 saat öncə çəkilməlidir.