Yaralanan barmağı ilk tibbi yardım kimi dərhal ağıza salmaq doğru deyil.

Aztibb.az xəbər verir ki, bunu fleboloq-cərrah İsmayıl Əsgərov deyib.

O, bildirib ki, ağız bakterial mənada təmiz hesab edilmir.

"Ağız hətta bakteriyalarla zəngin sahədir. Bu isə açıq yaraların ağızla təmasından sonra təmizlənməsi deyil, çirklənməsi deməkdir. Nümunə olaraq qeyd edim ki, "New England Journel of Medicine" bir müşahidənin nəticəsini nəşr edib. Qeyd edilib ki, velosiped qəzasından sonra baş barmağını zədələyən şəkərli diabet xəstəsinin yaralanan barmağında tapılan Eikenella Corrodens adlı bakteriya qəza edənin ağzında da aşkarlanmışdı. Son dərəcə yüngül bir yaralanma ilə nəticələnən qəza, açıq yaranı çirkləndirən bakteriyalara görə barmağının kəsilməsi ilə nəticələnmişdi".