Aztibb.az-ın "Həkimlərimizi tanıyaq!" rubrikasının növbəti buraxılışında "Mingəçevir Şəhər Mərkəzi Xəstəxanası" Publik Hüquqi Şəxsin həkim-otolarinqoloqu Cavanşir Əliyev haqqında məlumatları diqqətinizə çatdırırıq.
Cavanşir Mehdi oğlu Əliyev 27 yanvar 1957-ci ildə Ağdaş rayonunda anadan olub. 1974-1980-ci illərdə Azərbaycan Dövlət Tibb İnstitutunda təhsil alıb. 1982-ci ildə Rusiya Federasiyasının Leninqrad şəhərində Həkimləri Təkmilləşdirmə İnstitutunda "burun-boğaz-qulaq" ixtisası üzrə təkmilləşdirmə kursu keçib. O, 2001-ci ildən mütəmadi olaraq kurslarda iştirak edərək bu sahə üzrə təcrübəsini artırıb.
Cavanşir Əliyev 2011-2016-cı illərdə Türkiyə Cümhuriyyətinin Marmara Tibb Universitetinin Burun, boğaz, qulaq xəstəlikləri kafedrasında ixtisas kursu keçib.
O, 1981-ci ildən Mingəçevir Şəhər Mərkəzi Xəstəxanasında həkim-otolarinqoloq kimi fəaliyyət göstərir.
Qeyd edək ki, hazırda Cavanşir Əliyev Mingəçevir Şəhər Mərkəzi Xəstəxanasının yeganə otolarinqoloqudur.
