Aztibb.az-ın "Həkimlərimizi tanıyaq!" rubrikasında bu dəfə oxucularımıza "Mingəçevir Şəhər Mərkəzi Xəstəxanası" Publik Hüquqi Şəxsin oftalmoloqu Svetlana Məmmədova haqqında məlumatları təqdim edirik.
Svetlana Namaz qızı Məmmədova 1961-ci ildə Yevlax rayonunda anadan olub. 1985-1991-ci illərdə Azərbaycan Tibb İnstitutunun Müalicə-profilaktika fakültəsində təhsil alıb. 1991-ci ildə Mingəçevir Şəhər Mərkəzi Xəstəxanasının Göz şöbəsində həkim kimi əmək fəaliyyətinə başlayıb.
O, 1995-2016-cı illərdə 2 saylı poliklinikada həkim-oftalmoloq işləyib.
Svetlana Məmmədova həkimlik fəaliyyətini icbari tibbi sığortanın pilot lahiyə kimi Mingəçevir şəhərində başladığı ildən, yəni 2017-ci ildən Mingəçevir Şəhər Mərkəzi Xəstəxanasının Poliklinika şöbəsində davam etdirir. Eyni zamanda, təcrübəli həkim 1997-ci ildən xəstəxananın Cərrahiyə şöbəsində oftalmoloq vəzifəsində çalışır.