Sumqayıt Tibb Mərkəzinin direktoru Səkinə Sadıxova tibb müəssisələrinin rəhbərlərinin iştirakı ilə iclas keçirib.

 

İclasda çıxış edən Səkinə Sadıxova İcbari tibbi Sığortanın tətbiqindən sonra əldə edilən uğurlardan söz açıb. O, tibb müəssisələrində bir sıra yeniliklərin olacağını bildirib, Uşaq Xəstəxanasında, eləcə də 1 saylı şəhər Xəstəxanasında müasir tələblərə cavab verən laboratoriyaların yaradılması istiqamətində aparılan işlərdən danışıb.

 

Eyni zamanda, tibb müəssisələrində olan çatışmazlıqların operativ şəkildə aradan qaldırılmasının vacibliyini vurğulayıb.

 

İclasda bir sıra bölmə rəhbərləri hesabat xarakterli çıxışlar ediblər.

 

Sonda S.Sadıxova, həmçinin toplantıda iştirak edən tibb müəssisələrinin rəhbərlərinin suallarını cavablandırıb, müvafiq tapşırıq və tövsiyələrini verib.