Belçikanın Qərbi Flandriya əyalətinin Meulebeke şəhərindəki quşçuluq fermasında quş qripi kimi tanınan yüksək patogenli H5N1 virusunun yayılma halı qeydə alınıb.

Aztibb.az xəbər verir ki, bu barədə məlumat yerli Qida Təhlükəsizliyi üzrə Federal Agentliyi çərşənbə günü dərc etdiyi rəsmi hesabatda əks olunub.

Bildirilir ki, preventiv təhlükəsizlik tədbirləri çərçivəsində fermada yetişdirilən toyuqlar məhv edilib.

Avropa və Belçika qanunvericiliyinə uyğun olaraq virusun yayılmasının qarşısını almaq üçün üç kilometr radiusda mühafizə zonası və 10 kilometr radiusda müşahidə zonasının yaradılması təmin edilib.