"Mingəçevir Şəhər Mərkəzi Xəstəxanası" Publik Hüquqi Şəxsdə Novruz bayramı münasibətilə tədbir keçirilib.

Xəstəxananın müalicə işləri üzrə direktor müavini, baş həkim Ülfət Qurbanov kollektivi baharın gəlişi münasibətilə təbrik edib və hər kəsə dünyanın ən gözəl neməti olan can sağlığı arzulayıb.  Hər il Novruz bayramının ölkəmizdə dövlət səviyyəsində qeyd olunduğunu bildirən direktor müavinu artıq bayram tonqallarının işğaldan azad olunmuş torpaqlarımızda da yandırıldığını deyib.

Sonra direktorun inzibati işlər üzrə müavini Fuad Məmmədov əməkdaşları təbrik edərək, bu təravətli Novruz bayramında xalqımıza əmin-amanlıq arzulayıb.

İclasda iştirak edən həkimlər də təbriklərə qatılıb, xoş arzularını bildiriblər.