Vətən müharibəsi şəhidlərinin ailə üzvlərinin və müharibədə yaralanmış hərbi qulluqçuların məşğulluğuna mühüm dəstək göstərmək məqsədilə “Yevlax Rayon Mərkəzi Xəstəxanası” Publik Hüquqi Şəxsdə daha bir şəhid ailəsi üzvü işlə təmin olunub.

 

Aztibb.az-ın məlumatına görə, Yevlaxdan olan şəhidimiz Yusifbəyli Yusif Sabir oğlunun anası Abbasova Mehriban Qinyaz qızı xəstəxanada işlə təmin olunub. Şəhid anası onlara göstərilən xüsusi diqqət və qayğıya görə xəstəxananın direktoru Fazil İsmayılova öz minnətdarlığını bildirib.

 

Fazil İsmayılov bildirib ki, torpaqlarımızın işğaldan azad edilməsi uğrunda canını fəda edən qəhrəmanlarımızın ailələrinə, döyüşlərdə şücaət göstərən qazilərə diqqət və qayğı göstərmək bütün cəmiyyətimizin borcudur.

 

Qeyd edək ki, Vətən müharibəsindən sonra Yevlax Rayon Mərkəzi Xəstəxanası tərəfindən 5 nəfər şəhid ailəsi üzvü, 2 qazi və qazi ailəsi müxtəlif vəzifələr üzrə işlə təmin olunub.