Aztibb.az "Həkimlərimizi tanıyaq!" rubrikasında bu dəfə "Mingəçevir Şəhər Mərkəzi Xəstəxanası" Publik Hüquqi Şəxsin Poliklinika şöbəsinin həkim-pediatrı Növrəstə Hüseynova haqqında məlumatları təqdim edir.

Növrəstə Aslan qızı Hüseynova 17 dekabr 1959-cu ildə Mingəçevir şəhərində anadan olub. 1986–cı ildə Azərbaycan Tibb Univeristetini bitirib.

O, 1987-ci ildə Mingəçevir Səhiyyə şöbəsində həkim-pediatır kimi əmək fəaliyyətinə başlayıb. 1991-ci ildən 1997-ci ilədək Mingəçevir Tibb Məktəbində çalışıb. 1997-2002-ci illərdə Böyük Britaniyanın “Uşaqlara birbaşa yardım” beynəlxalq humanitar təşkilatında həkim işləyib, həmçinin həmin illərdə cəbhəyanı bölgələrdə fəaliyyət göstərib.

Növrəstə Hüseynova 2012-2019-cu illərdə 2 saylı uşaq poliklinikasında baş həkim vəzifəsində çalışıb. Hazırda Mingəçevir Şəhər Mərkəzi Xəstəxanasının Uşaq poliklinikası bölməsinin həkim-pediatrıdır.