“Yevlax Rayon Mərkəzi Xəstəxanası” Publik Hüquqi Şəxsdə Xocalı soyqırımının otuzuncu ildönümü ilə əlaqədar anım tədbiri keçirilib.
Əvvəlcə Xocalı faciəsi qurbanlarının və ölkəmizin ərazi bütövlüyünün bərpası uğrunda aparılan döyüşlərdə şəhid olmuş qəhrəman Vətən oğullarının əziz xatirəsi bir dəqiqəlik sükutla yad edilib.
Tədbirdə 1992-ci idə fevralın 25-dən 26-na keçən gecə Ermənistan silah qüvvələri beynəlxalq hüququn norma və prinsiplərini kobudcasına pozaraq keçmiş sovet ordusunun Xankəndində yerləşən 366-cı alayının iştirakı ilə Xocalı şəhərinə hücüm etməsindən və dinc əhaliyə misli görünməmiş qəddarlıqla divan tutmasından danışılıb.
Qeyd olunub ki, Xocalı faciəsi Azərbaycan tarixinə qanla yazılmış səhifələrdən biridir. Ulu öndər Heydər Əliyevin birbaşa təşəbbüsü, səyi, təklifi, israrlı fəaliyyəti ilə bu hadisələrə siyasi qiymət verilib. 44 gün davam edən Zəfər savaşında Azərbaycan öz tarixi torpaqlarını işğaldan azad edə bildi, ərazi bütövlüyümüz təmin olundu. Bu gün Prezidentimizin yorulmaz fəaliyyəti nəticəsində dünyanın bir çox ölkəsində Xocalı hadisəsi adekvat olaraq qiymətləndirilir.
Tədbirin gedişində erməni qəsbkarlarının xalqımıza qarşı törətdiyi soyqırımı əməllərini və yaddaşdardan silinməyəcək erməni vəhşiliyini əks etdirən video-materiallar təqdim edilib.