“Yevlax Rayon Mərkəzi Xəstəxanası” publik hüquqi şəxsdə qanvermə aksiyası keçirilib.

 

Aztibb.az-ın məlumatına görə, aksiyada şəhərin idarə, müəssisə və təşkilatlarının kollektivləri könüllü olaraq qan veriblər.

 

Elmi-Tədqiqat Hemotologiya və Transfuziologiya İnstitutunun Mərkəzi Qan Bankının həkim briqadası iştirakçıları lazımi müayinədən keçirdikdən sonra onlardan qan götürüblər. Tədarük olunan qan Respublika Mərkəzi Qan Bankına göndəriləcək və irsi qan xəstəliklərinin müalicəsində istifadə olunacaq.

 

Sakinlər bu aksiyanın humanist addım olduğunu, talassemiya, irsi və qan xəstəliyindən əziyyət çəkən insanlara qan verməkdən məmnun olduqlarını bildiriblər.