Ülfət Əhməd oğlu Qurbanov "Mingəçevir Şəhər Mərkəzi Xəstəxanası" Publik Hüquqi Şəxsə baş həkim təyin edilib.

Aztibb.az xəbər verir ki, bu gün xəstəxananın direktoru Əbdülqədir Sultanov Ülfət Qurbanovu kollektivə təqdim edib və işlərində uğurlar arzulayıb.

Qeyd edək ki, əslən Qazax rayonundan olan Ülfət Qurbanov orta məktəbi Mingəçevir şəhərində başa vurub. O, Azərbaycan Tibb Universiteti məzunudur. 2002-ci ildə Mingəçevir şəhərində anestezioloq–reanimatoloq kimi fəaliyyətə başlayıb. Hərbi xidmətdən sonra Mingəçevir səhiyyə sistemində fəaliyyətini davam etdirib.