Salyanda qaz partlayışı nəticəsində bir ailənin 3 üzvü müxtəlif dərəcəli yanıq xəsarətləri ilə Salyan Rayon Mərkəzi Xəstəxanasına müraciət edib. 

Bu barədə Aztibb.az-a xəstəxanadan məlumat verilib.

Bildirilib ki, rayonun Qarabağlı kəndində baş verən hadisə zamanı bir ailənin üç üzvü - 1980-ci il təvəllüdlü Qurbanov Zaur Mikayıl oğlu, onun həyat yoldaşı, 1981-ci il təvəllüdlü Qurbanova Şəfəq Əli qızı və ailənin övladı, 2001-ci il təvəllüdlü Qurbanov Mikayılov Zaur oğlu yanıq xəsarətləri alıblar. Xəsarət alanlardan birinin vəziyyəti orta-ağır, iki nəfərin vəziyyəti isə yüngül olub:

"İlkin yardımdan sonra Zaur Qurbanov və Şəfəq Qurbanova Bakı şəhərinə, Respublika Yanıq Mərkəzinə köçürülüblər. Digər gənc isə yüngül xəsarət aldığı üçün ambulator müalicəyə buraxılıb".