Azərbaycanın ilk yerli və tam funksiyalı, beynəlxalq standartlara uyğun xəstəxana məlumatlarının idarəetmə sistemi – “Hisaz” XMİS tələbatları tam şəkildə ödəyən, asan, rahat və sürətli idarəetmə proqramıdır. Məlum olduğu kimi xəstəxanalar sağlamlıq sisteminin ən əsas hissəsini təşkil edən qurumdur və cəmiyyətdə sağlamlığın qorunması və inkişafı üçün vacib rol oynayan xidmət müəssisəsidir. Bu kateqoriyaları nəzərə alaraq proqramın üstünlüklərini təqdim edirik:

Az zamanda çox iş;

Asan idarəetmə;

Müştəri dəstək xidməti (Support).

Aztibb.az xəbər verir ki, digər proqramlardan fərqli olaraq, ölkə hüdudları daxilində fəaliyyət göstərən “Müştəri dəstək xidməti” istənilən yaranmış problemi ən qısa zamanda aradan qaldıra və yeni istəkləri də tez bir zamanda həll etmək kimi üstün xidmət təqdim etməkdədir.

"Hisaz" XMİS tamamilə yerli, peşəkar proqramçılar və mütəxəssis həkim heyətinin birgə əməyi ilə ərsəyə gəlmişdir. Sistem xəstəxana məlumatlarına, Laboratoriya sistemlərinə, Radiologiya Görüntülərinin köçürülməsinə, Direktor tərəfindən xəstəxananın idarəsi, xərclərin nəzarəti və xəstəxana daxilində baş verən bütün icraedilməkdə olan hərəkətlərin anında izlənilməsi üçün tam uyğun şəkildə hazırlanıb. Sürətlə inkişaf edən, dəyişən, müalicə və xəstə baxımı funksiyaları ilə birlikdə tibbi heyətin təlimi və tibbi araşdırma proseslərində yaxından iştirak edən tibb müəssisələrinin idarə edilməsinə xüsusi diqqətlə yanaşılır ki, şirkət olaraq tibb sahəsində baş verən yenilikləri təqib edir və onları işilərinə tətbiq edir:

Hisaz XMİS

Hisaz LAB

Hisaz PACS

Hisaz Mühasibatlıq

Hisaz Ailə Həkimliyi

Hisaz e-Resept / Əczaxana

Hisaz Təcili Tibbi Yardım (TTY)

Həm özümüzə məxsus beynəlxalq sertifikatlı PACS sistemi, həm də Laboratoriya cihazlarına inteqrasiya öz mütəxəssis heyətimiz tərəfindən yerinə yetirilməkdədir və bu da bizi fərqləndirən əsas üstünlüklərimizdəndir.

Fəaliyyətin əsas məqsədi ilk yerli və tam funksiyalı məhsul olmaqla, səhiyyə sektoru və texnologiya sahəsində tətbiqlərin genişləndirilməsi və imkanların artırılmasına xidmət funksiyasını daşımaqdır.

Proqramın istifadəsi platformalara uyğun olaraq, istər kompüter, istər mobil telefon, istərsə də planşetlərdə mümkündür. Həmçinin, rahat və sadə interfeysə malikdir.

Qeyd edək ki, şirkət beynəlxalq sertifikat (ISO 9001, ISO 27001) və U.S FDA Cleared (Food and Drug Administration) təsdiqli PACS sistemilə xidmət göstərir.

Hazırda 10-a yaxın xəstəxana, klinika və tibbi laboratoriyalar ilə əməkdaşlıq edilir və Hisaz XMİS ilə beynəlxalq arenada da bir sıra əməkdaşlıqlar etməyə başlayıb. Gürcüstan, Litva və Özbəkistanda qarşılıqlı əməkdaşlıq layihələri artıq mövcuddur və fəaliyyət istiqamətlərini daha da geniş miqyaslı olması yönündə uğurlu addımlar atılır.