Koronavirusa yoluxmuş, yüksək risk qrupuna daxil olan, irsi böyrək xəstəliyindən əziyyət çəkən Yasər Ağayev 16 noyabr 2021-ci il tarixində Mərkəzi Gömrük Hospitalına müraciət edib.

Y.Ağayev Aztibb.az-a Mərkəzi Gömrük Hospitalında COVID-19-a qarşı aldığı müalicəylə bağlı təəssüratlarını bölüşüb.

Pasiyent səhhətində laxtalanma ilə bağlı problemlərin olduğunu və illər öncə Gömrük Hospitalında angioqrafiya (anju) əməliyyatı keçirdiyini qeyd edib. O, həmçinin koronavirus əleyhinə peyvəndin 2 dozasını aldığını vurğulayıb.

“Mərkəzi Gömrük Hospitalında müalicə aldığım müddətdə xəstələrə böyük qayğı göstərildiyinin və müalicələrin yüksək səviyyədə aparıldığının şahidi oldum. Klinikanın tibb personalı gün ərzində bir neçə dəfə mənim vəziyyətimlə yaxından maraqlanır, müayinə və müalicələri yüksək səviyyədə aparırdılar”. – deyə pasiyent bildirib.

Y.Ağayev sağlamlığına qovuşmasında rolu olan həkimlərin hər birinə dərin minnətdarlığını bildirib.