Türkiyə yeni sığorta sisteminə keçir. Bu münasibətlə Ankarada “Türkiyə sığorta”nın təqdimat mərasimi keçirilib.
Aztibb.az xəbər verir ki, tədbirdə Xəzinə və Maliyyə naziri Berat Albayrak yeni sığorta sistemi barədə danışıb. Mərasimdə çıxış edən Prezident Rəcəb Tayyib Ərdoğan Türkiyədə yeni sığorta sisteminə keçidin səbəb və məqsədlərindən söhbət açıb. Dövlət başçısı diqqətə çatdırıb ki, son 100 ildə dünyada baş verən ən ağır sağlamlıq böhranlarından olan koronavirus (COVID-19) pandemiyası bütün ölkələrə böyük problemlər yaradıb. Türkiyə bu böhrana qarşı sistemli tədbirlərlə mübarizə aparıb.
Prezident qeyd edib ki, artıq iqtisadi risklər arxada qalıb. Təqdimatı keçirilən “Türkiyə sığorta” bu istiqamətdə görülən tədbirlər sırasında mühüm əhəmiyyətə malikdir.
