İcbari Tibbi Sığorta üzrə Dövlət Agentliyi COVID-19 infeksiyasına yoluxan xəstələrlə işləyən tibb işçilərinə iyul və avqust ayları üçün müddətli əlavələrin ödəniləcəyi tarixlə bağlı açıqlama verib.
Aztibb.az xəbər verir ki, məlumata əsasən, Nazirlər Kabinetin 18 avqust 2020-ci il tarixli Qərarına müvafiq olaraq, İcbari Tibbi Sığorta üzrə Dövlət Agentliyi tərəfindən iyul ayı üzrə 1080 nəfər tibb və qeyri-tibb işçisinə iş vaxtına mütənasib olaraq ümumilikdə 1,4 milyon manat məbləğində müddətli əlavə ödənilib.
“Hazırda iyul ayı üzrə müddətli əlavələrin ödənilməsi prosesi davam edir”, - deyə məlumatda bildirilir.
Qeyd edək ki, agentlik dövlət tibb müəssisələri tərəfindən göndərilən siyahılara uyğun olaraq 3 iş günü ərzində müddətli əlavələrin ödənilməsini təmin edir.
