Naftalanda ümumtəhsil müəssisələrində “Narkomaniyaya qarşı mübarizə hər birimizin borcudur” mövzusunda görüş keçirilib. Tədbirdə şəhər icra hakimiyyəti başçısının müavini, şəhər polis şöbəsinin rəisi, valideynlər, şagirdlər və pedaqoji kollektiv iştirak edib.

Çıxış edənlər narkotik vasitələrin insan orqanizminə göstərdiyi mənfi təsirlər və gələcəkdə sağlamlıqlarında törədəcəyi ağır fəsadlar barədə söhbət açaraq, yeniyetmə və gəncləri bu zərərli vərdişlərdən uzaq durmağa çağırıblar.

Həmçinin, problemin həllində duran əsas addımlardan birinin təbliğat və maarifləndirmə işini genişləndirmək olduğunu vurğulayaraq, məktəblərdə görülən profilaktik tədbirlər barədə ətraflı məlumat veriblər.