Fransanın əczaçılıq korporasiyası "Sanofi" və Britaniyanın "GSK" şirkəti tərəfindən hazırlanan koronavirus peyvəndinin qiyməti 10 avrodan az olacaq.

Aztibb.az TASS informasiya agentliyinə istinadən xəbər verir ki, bu barədə "Sanofi"inin rəhbəri Olivye Bojiyo bildirib.

Onun sözlərinə görə, hazırda korporasiyalar bütün istehsal xərclərini araşdırırlar.

O.Bojiyo əlavə edib ki, fransızlar vaksini amerikalılar və Avropanın başqa ölkələrinin sakinləri ilə eyni vaxtda alacaqlar. Vaksinin 100 milyon dozası ABŞ-a, 300 milyonu isə Avropaya göndəriləcək.

Qeyd edək ki, ABŞ prezidenti Donald Tramp amerikalılara noyabrın 1-dək yerli vaksininin yaradılacağını söz verib.