Cəlilabad Rayon Heydər Əliyev Mərkəzində rayon icra hakimiyyətinin dəstəyi ilə Rayon Sosial Reabilitasiya Mərkəzinin sağlamlıq imkanları məhdud və xüsusi qayğıya ehtiyacı olan uşaqları üçün Yeni il şənliyi təşkil keçirilib.

Aztibb.az xəbər verir ki, bayram tədbirində çıxış edən Cəlilabad Rayon İcra Hakimiyyətinin başçısı Rafiq Cəlilov uşaqlara Dünya Azərbaycanlılarının Həmrəylik Günü və Yeni il bayramı münasibətilə təbriklərini çatdırıb, Yeni ildə uşaqlara sağlam həyat və firavan gələcək arzulayıb.

R.Cəlilov ölkəmizdə həyata keçirilən dövlət uşaq siyasətinin uğurlu nəticələrindən danışaraq, respublikamızın sürətli iqtisadi inkişafının onların sosial problemlərinin həlli üçün etibarlı zəmin yaratdığını diqqətə çatdırıb.

Bu qəbildən olan uşaqların cəmiyyətə inteqrasiyası üçün yaradılan şəraitə görə Prezident İlham Əliyevə və birinci vitse-prezident, Heydər Əliyev Fondunun prezidenti Mehriban xanım Əliyevaya minnətdarlıq ifadə olunub.

Daha sonra bayram şənliyində iştirak edən uşaqlar rəqs edib, şeir söyləyib, mahnı oxuyublar.

Şənliyə Şaxta baba, Qar qız və klounun qatılması uşaqları daha da sevindirib və bayram tədbirini onlar üçün unudulmaz edib.

Bayram şənliyinin sonunda uşaqlara hədiyyələr verilib.