Alim-farmasept və "Super Botanic"də Resepturalar bölməsinin rəhbəri Kay Ali bildirib ki, rasiona bir sıra otların əlavə edilməsi yüksək qan təzyiqini azaltmağa və qarşısını almağa kömək edə bilər.

Aztibb.az medikforum.ru-ya istinadən xəbər verir ki, Kay Alinin sözlərinə görə, sarıkök sətəlcəmə qarşı təsirə malikdir və " fövqəladə güclü antioksidantdır".

"Bir çox tədqiqatlar sarıkök qan damarların iltihabını azaldaraq, qanın laxtalanmasına mane olaraq və xolesterinin səviyyəsini aşağı salaraq yüksək qan təzyiqini azaltmağa kömək edə biləcəyini göstərib", - deyə əczaçı əlavə edib.

K.Ali vurğulayıb ki, "möcüzə ağac" kimi tanınan morinqa planetdə ən qidalı bitkilərdən biridir və kaliumun təbii mənbəyi hesab olunur.

"Kalium yüksək qan təzyiqi indikatoru olan natriumun səviyyəsini azaltmağa kömək edir. Sizin qan təzyiqinizə nəzarət etmək üçün kalium və natrium birlikdə işləyir", - Kay Ali bildirir.

Farmasept bildirib ki, zəfəran arteriyaların və qan damarların sağlamlığını dəstəkləməyə kömək edən antioksidant xüsusiyyətlərlə malikdir.

Onun sözlərinə görə, bununla yanaşı, duzun istehlakı miqdarını gündə 6 qrama qədər azaltmaq, az yağlı, balanslı pəhrizə riayət etmək və sağlam çəkini saxlamaq lazımdır.

Əczaçı vurğulayıb ki, əlavələrin istifadəsindən əvvəl həkimin konsultasiyası zəruridir.