Dializ xəstələrində normal həyat fəaliyyəti çox böyük ölçüdə pozulur. Dializ xəstələri bir çox fiziki və psixoloji stresə məruz qalırlar. Ən böyük stres səbəblərindən biri də dializ prosedurunun özüdür.

Aztibb.az xəbər verir ki, bunu nefroloq Barat Yusubov bildirib. 

Həkim əlavə edib ki, bundan başqa dərmanlar, pəhriz tutmaq məcburiyyəti, iş qəbiliyyətinin azalması, bir aparata bağlı olma düşüncəsi, cinsi funksiyaların azalması, cinsi istəksizlik, tez-tez xəstələnmək kimi hallar stres qaynağı ola bilər.

"Bir pasientin xəstəlik dövründəki əhval ruhiyyəsi, onun xəstəlikdən öncəki şəxsi xüsusiyyətlərinə, dostları və yaxınları tərəfindən göstərilən nəvazişə və xəstəliyin müşahidəsinə (altda yatan xəstəliyə) bağlıdır", - deyə həkim qeyd edib.

O, dializ xəstələrində tez-tez rastlanan psixiatrik problemlərdən bəhs edib, depresiya, nigaran olmaq, müalicəyə cavab verməmək, yuxunun pozulması, cinsi funksiyaların pozulması, psixoz və reabilitasiyada çətinliklərin olduğunu diqqətə çatdırıb.

"Bu psixoloji problemlərdən ən sıx rastlananı depressiyadır", - dyən B.Yusubov bildirib ki, bunu nəzərə alaraq dializ alan xəstələrinin yaxınları onlara daha diqqətli və daha səbrli davranmalıdırlar.

Depressiyadan ən qısa zamanda qurtulmaq üçün mütəxəssis, nevroloq və psixoterapevtlə konsultasiya məsləhət görülür.