Aztibb.az xəbər verir ki, həkim-nefroloq Barat Yusubov duzun böyrəklərə verdiyi ziyanlardan danışıb.

 

O, qeyd edib ki, aparılan araşdırmalara görə, Azərbaycanda insanlar gündəlik 18 qram duz istehlak edir. Normadan artıq duz qəbul etmək böyrəklərin qılcal damarlarına ziyandır:

 

"Duzdan istifadənin böyrək funksiyalarına böyük təsiri var. Belə ki, normadan artıq duz istifadə edildiyi zaman böyrək daxilindəki qılcal damar qan dövranı sistemində qan təzyiqi yüksəlir. Yüksək qan təzyiqi davam edirsə, damarlar yırtılır və xəsarət alır, orqanizmdə normadan artıq protein itkisinə səbəb olur".