Aztibb.az xəbər verir ki, pediatr-neanotoloq Nurəngiz Hacıyeva bu barədə maarifləndirici məlumat paylaşıb.

 

Onun sözlərinə görə, uzun müddət davam edən öskürək tutmalarına təsir edən faktorlar aşağıdakılardır:

 

- tozcuqlar (bitki, kif);

- məişət (ev və kitab tozu), epidermal (ev heyvanları it, pişik, və s. kəpəyindən, tükündən);

- qida məhsulları (süd, sitrus, araxis və s qidalar);

- soyuqdəymə və respirator virus infeksiyaları.

 

Həkim qeyd edib ki, bronxial astmanın xarakterik əlamətləri təngnəfəslik, xışıltılı tənəffüs, sinənin sıxıntısı və nəhayət, öskürək, boğulma tutmasıdır:

 

"Astma tutması zamanı bronxların borusu daralır, divarları qalınlaşır, ödəm əmələ gəlir, bronxlar daxilində selikli tıxac yaranır. Hava ciyərlərə çox çətinliklə gedir, xəstə öskürür və boğulur, sinəsində ağırlıq və sıxıntı hiss edir, dodaq üçbucağı göyərir".